वनडे क्रिकेटच्या इतिहासात दोन्ही संघाचे कर्णधार शून्यावर बाद होण्याची घटना भारत विरुद्ध वेस्ट इंडिज (India Vs West Indies) यांच्यातील सामन्यात घडली. दोन्ही कर्णधार गोल्डन डक (Golden Duck) होण्याचीही पहिलीच वेळ आहे. विशेष म्हणजे या दोन्ही कर्णधारांची ओळख सामना जिंकून देणारे खेळाडू अशी आहे. भारताचा कर्णधार विराट कोहली (Virat Kohli) आणि वेस्ट इंडिजचा कर्णधार पोलार्ड (Kieron Pollard) हे दोघेही शून्यावर बाद झाले. विराटच्या नावावर क्रिकेटमधील अनेक विक्रम जमा आहेत. पण असा विक्रम त्याच्या नावावर जमा होईल याचा विचार खुद्द विराट किंवा त्याच्या चाहत्यांनी देखील केला नसेल.
वाचा- India vs West Indies: 'हिटमॅन'चे एक शतक आणि मोडले अनेक विक्रम!
विशाखापट्टणम येथील सामन्यात वेस्ट इंडिजने नाणेफेक जिंकून प्रथम गोलंदाजी करण्याचा निर्णय घेतला होता. रोहित शर्मा आणि एल.के.राहुल यांनी भारताला शानदार अशी द्विशतकी सुरुवात करून दिली. शतक झाल्यानंतर राहुल बाद झाला. त्यानंतर मैदानात आलेला विराट कोहली पहिल्याच चेंडूवर बाद झाला. विशेष म्हणजे जवळ जवळ दोन वर्षांनी विराट आंतरराष्ट्रीय क्रिकेटमध्ये शून्यावर बाद झाला आहे. भारताच्या डावात विराट असा एकमेव फलंदाज होता ज्याला एकही धाव करता आली नाही. अर्थात रविंद्र जडेजाने देखील धाव केली नाही. पण त्याला एकही चेंडू खेळण्यास मिळाला नाही.
Resource :https://maharashtratimes.indiatimes.com/sports/cricket/cricket-news/india-vs-west-indies-first-time-in-odi-cricket-both-captains-dismissed-for-a-golden-duck/articleshow/72881081.cms
No comments:
Post a Comment